Strutura Hakerek Essay

 

• Definisaun Essay

  Essay katak hakerek sientifiku nebe deskreve konaba kombinasaun entre faktu sira no opiniaun.

  Essay nia karateristiku  subjetivu husi perspetiva hakerek nain nebe maka analitiku, spekulasaun,no interpretativu. Essay kobre ba narasaun nebe kritiku, argumentu, baze ba literatura husi obserbasaun moris lor-loron no reflesaun hakerek nain.

   Introdusaun

  Hakerek introdusaun iha essay hanesan mos introdusaun iha hakerek sientifiku, iha essay hakerek nain  bele fo ninia hanoin konaba tema nebe atu aprezenta iha essay nee.

  Iha introdusaun halo lee nain sira fasil atu kompriende kontiudu husi essay nebe atu aprezenta. Ho nunee Introdusaun hanesan dalan tama ba essay. Babain bolu prepozisaun katak fraze nebe fo hatene ba lee nain sira foku husi essay nebe hakerek nain aprezenta

  2. Justifikasaun / Kontiudu

  Justifikasaun ka kontiudu hanesan parte nebe esplika konaba titlu ka topiku essay ho detailhu. Hakerek nain sei aprezenta opiniaun ho sekuensiamente no organiza idea nebe struturadu.

  Iha parte kontiudu nee sei justifika no esplika ho detailahadu konaba topiku ka tema nebe hili tia ona.

  Iha kontiudu mos esplika konaba baze argumentasaun. Hanesan teoria ka opiniaun husi espertu sira nebe kombina ho dadus no faktu sira nebe iha terenu. Lee nain sira sei fiar opiniaun hakerek nain nebe hatto iha essay liu husi teoria, dadus no faktu nebe hakerek iha essay laran.

  3. Konkluzaun

  Konkluzaun sai hanesan rohan husi essay ida, konkluzaun sai henesan  pontu importante nebe sumariza liu husi fraze ida nebe hatoo pontu importante nebe justifika ona iha introdusaun no justifikasaun ka kontiudu.

  Iha parte nee hakerek nain tengki hakerek ho badak, isin no la sai daet luan ba topiku seluk nebe la iha relasaun ho tema essay.

  4. Rekomendasaun

  Iha parte nee hakerek nain rekomenda ba lee nain sira atu foti solusaun ruma tuir opiniaun husi hakerek nain nebe aprezenta iha essay ida nee. Babain tau tuir numeru.

  Ezemplu essay klik iha link nee: http://vitalbarreto.blogspot.com/2019/03/oinsa-moris-seguru-hanesan-sidadaun.html